Triangle(-verdau)
Bolboschoenus glaucus
Cyperaceae
Àutri noum : Liandro, Triangle.
Noms en français : Scirpe glauque, Souchet glauque.
Descripcioun :Aquéu triangle dóu gènre Bolboschoenus (planto nousado emé de lòngui fueio) trachis dins li canau, roubino e li limoun de ribiero. Fai gaire qu'es esta destria dóu triangle-marin en raport emé la formo de la grano. Subretout vèn pas dins li relarg mounte i'a de sau au contro dóu marin. Lis espigo soun pamens mai longo eici. Èi pu tihous de faire la diferènci emé Bolboschoenus laticarpus ; pèr acò fau regarda la formo de la grano e l'espessour de l'"exocarpus" (pu pichoto eici). Coumpara emé lou triangle-di-làrgi-fru que ié sèmblo proun.
Usanço :Se pòu gaubeja pèr la banastarié, mai avèn ges d'entresigne precis. Escriéure au site se n'en sabès mai. Li canard e lis auco manjon si boudougno.
Port : Grando erbo
Taio : 1 à 2 m
Fueio : costo paralèlo
Tipe bioulougico : Geoufite
Cicle bioulougico : Planto renadivo
Gènre : Bolboschoenus
Famiho : Cyperaceae
Ordre : Poales
Coulour de la flour :
Brunello
Petalo : ges
Ø (o loungour) enflourejado : 1 à 4 cm
Flourido : Printèms
- Estiéu
Sòu : Ca
Autour basso e auto : 0 à 900 m
Aparado : Noun
Mai à setèmbre
Liò : Ribiero
- Roubino
- Canau
Estànci : Termoumediterran à Mesoumediterran
Couroulougi : Paleousubretroupicalo
Ref. sc. : Bolboschoenus glaucus (Lam.) S.G.Sm., 1995
(= Scirpus glaucus Lam., 1791 )
Maneto(-de Fuchs)
Dactylorhiza fuchsii
Orchidaceae
Noms en français : Orchis de Fuchs, Dactylorhize de Fuchs.
Descripcioun :Aquesto maneto, coumuno en mountagno, trachis dins li bos clar. L'esperoun fai mai de 3 mm de long, e la labreto èi marcado de rego e picoutado. E peréu aquesto caup tres partido, la dóu mitan èi mai longo. La cambo de l'enflourejado èi pleno alor que li fueio soun tacado de negre.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 15 à 80 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo
Gènre : Dactylorhiza
Famiho : Orchidaceae
Ordre : Aspargales
Coulour de la flour :
Roso
Petalo : irreguliero
Ø (o loungour) flour : 6 à 14 mm
Flourido : Printèms
- Estiéu
Sòu : Ca (Si)
Autour basso e auto : 0 à 2300 m
Aparado : Noun
Jun à avoust
Liò : Faio
- Blachiero
- Prado
- Palun
Estànci : Subremediterran à Aupen
Couroulougi : Éurasiatico
Ref. sc. : Dactylorhiza fuchsii (Druce) Soó, 1962
(= Dactylorhiza maculata subsp. fuchsii (Druce) Hyl., 1966 )